Melitta “#2 Natural Brown” Cone Coffee Filter

MELITTA ԱՊՐԱՆՔԱՆԻՇԻ ՄԱՍԻՆ

Օգտագործելով իր որդու դպրոցական տետրի թանաքի չորացման համար նախատեսված ներծծան թուղթը՝ գերմանացի տնային տնտեսուհի 35-ամյա Մելիտտա Բենցը 1908 թվականին զտեց Սուրճի նստվածքը բաժակի մեջ այն լցնելիս և այդպիսով հայտնագործեց Սուրճի Թղթե Ֆիլտրը։ Այս օգտակար գյուտի համար Բենցը ստացավ պատենտ և 73 Փֆենինգ նախնական կապիտալով իր ամուսնու հետ միասին ստեղծեց Melitta Ընկերությունը, որը մինչ այսօր շարունակում է մնալ Սուրճի Ֆիլտրերի արտադրության առաջատար։

1930-ական թվականներին Մելիտտան վերանայեց իր հորինած Թղթե Ֆիլտրի բնօրինակը՝ այն դարձնելով կոնաձև։ Այս նորամուծությունը ստեղծեց ավելի մեծ ֆիլտրման մակերես, ինչը թույլ տվեց բարելավել թրմվող Սուրճի որակը:

Melitta Ընկերությունը շարունակեց իր փորձարկումները իր զտիչ համակարգերի որակը և Սուրճի զտման պրոցեսը բարելավելու նպատակով։ Արդյունքում 1989 թվականին ներկայացվեցին բնական շագանակագույն Սուրճի Ֆիլտրերը, որոնք պատրաստված էին չսպիտակեցված թղթի հումքից, ինչը թույլ տվեց կրճատել դեպի շրջակա միջավայր անցանկալի նյութերի արտանետումը։ 1992 թվականին Ընկերությունը մշակեց թղթի թթվածնային սպիտակեցման մեթոդը՝ առանց քլորի սպիտակ թուղթ արտադրելու համար:

Մինչ այսօր էլ Melitta Ընկերությունը շարունակաբար կատարելագործում է իր արտադրանքը՝ ձգտելով ապահովել պատրաստվող Սուրճի առավելագույն որակական ցուցանիշներ։