ՔՈԼԴ - ԲՐՅՈՒ
Փափուկ և նրբահամ
“Cold-Brew”-ն անգլերենից թարգմանաբար նշանակում է “Սառը Թրմում”: Ի տարբերություն “Սառը սուրճի” կամ այլ կերպ ասած “Սառեցված Սուրճի”, որը ստացվում է սովորական տաք սուրճի մեջ սառույց ավելացնելով, Քոլդ-Բրյուն պատրաստվում է հենց սառը ջրով: Այս եղանակով պատրաստվող սուրճի գլխավոր առանձնահատկությունն այն է, որ արդյունքում ստացված սուրճը իր մեջ ավելի քիչ թթվայնություն է պարունակում, քան ցանկացած այլ մեթոդով պատրաստվող սուրճ, քանի որ սառը ջրում սուրճի հատիկի մեջ առկա թթուներ պարունակող նյութերը լավ չեն լուծվում: Արդյունքում ստացված սուրճը ստանում է անհամեմատ ավելի “փափուկ” համ: Մեթոդի մյուս առանձնահատկությունն այն է, որ այս եղանակով պատրաստված սուրճի մեջ կա մոտ կրկնակի ավել կոֆեին քան “Տաք Թրմման” մեթոդներով պատրաստվող սուրճի մեջ, ինչի պատճառով էլ հաճախ այս եղանակով պատրաստվող սուրճը անվանում են նաև “Խտացված Սուրճ” կամ “Սուրճի Կոնցենտրատ”: Պատճառն այն է, որ Քոլդ-Բրյու մեթոդով սուրճի թրմումը տևում է ավելի քան 12 ժամ, ինչը թույլ է տալիս սուրճից անջատել առավելագույն քանակությամբ կոֆեին:
Գոյություն ունեն Քոլդ-Բրյու պատրաստելու տարբեր հարմարանքներ, սակայն դրանք բոլորն էլ ունեն միևնույն հիմնական մասերն ու կառուցվածքը: Այն իր կառուցվածքով հիշեցնում է թեյ թրմելու թեյնիկ, այսինքն` մի անոթ, որի մեջ իջեցվում է սուրճով բեռնված ցանցը:
Քոլդ-Բրյու մեթոդով սուրճ պատրաստելը բավականաչափ հեշտ է, իսկ ստացված սուրճը կարելի է պահել սառնարանում մոտ 1 շաբաթ, որից նրա համային հատկանիշները չեն փոխվում:
Թերևս դժվար է ասել, թե ինչպես է առաջացել սուրճի պատրաստման այս մեթոդը, սակայն ըստ որոշ աղբյուրների այս մեթոդը հայտնագործվել է Հոլանդիայում գյուղատնտեսների շրջանում դեռևս 17-րդ դարում:
1964 թվականին Տոդդ Սիմփսոն անունով մի ամերիկացի նախագծեց և կառուցեց սառը թրմման հարմարանք` անվանելով այն “Տոդդի” (Toddy): Այն շատ արագ հայտնի դարձավ ու սիրվեց հասարակության կողմից և արտադրվում է մինչ օրս: 21-րդ դարում այս մեթոդը հատկապես մեծ տեմպերով տարածվում է ողջ աշխարհում:
1. Ողողել Քոլդ-Բրյու սրճեփը տաք ջրով
2. Ցանցի մեջ լցնել աղացված սուրճ և իջեցնել այն հիմնական անոթի մեջ
3. Ավելացնել համապատասխան քանակությամբ ջուր հիմնական անոթում և փակել կափարիչով
4. Թրմել սուրճը մոտ 12-14 ժամ (սուրճին առավելագույն թնդություն հաղորդելու համար ընթացքում թափահարել սուրճով բեռնված ցանցը մի քանի անգամ)
5. Հիմնական անոթից հանել սուրճի խտանյութը և թափել
6. Առաջացած թուրմը անհրաժեշտության դեպքում զտել ցանցավոր կտորի օգնությամբ
7. Լցնել սուրճը գավաթների մեջ և մատուցել
| Սուրճի տեսակը | 100% Արաբիկա |
| Բովվածության աստիճանը | Թույլ (Սկանդինավյան) Միջին (Վիեննական) Ուժեղ (Ֆրանսիական) |
| Աղացվածության չափը | Կոպիտ աղացված կամ փշրված (Ֆրենչ-Պրեսս) |
| Ջրի ջերմաստիճանը | Սենյակային ջերմաստիճանի շշալցված ջուր (+15÷20°C) |
| Սուրճ / Ջուր հարաբերակցությունը | 10գ սուրճ / 100մլ ջուր` ըմպելի սուրճ (2 ճաշի գդալ յուրաքանչյուր բաժակի համար) 15գ սուրճ / 100մլ ջուր` թունդ ըմպելի սուրճ (3 ճաշի գդալ յուրաքանչյուր բաժակի համար) 20-25գ սուրճ / 100մլ ջուր` կոնցենտրատ (4 ճաշի գդալ յուրաքանչյուր բաժակի համար) |
| Պատրաստման տևողությունը | 12-14 ժամ |
| Չափաբաժինը | 240 մլ |
| Կոֆեինի պարունակությունը 1 չափաբաժնում | 100 մգ |
| Սննդային արժեքը | 8-10 Կալորիա |
| Օրական չափաբաժինը | ոչ ավել քան 4 գավաթ |
| Մատուցման եղանակը | – ինչպես որ կա – կաթով կամ սառույցով – պաղպաղակով, ամառային դեսերտներով |
Զ Գ ՈՒ Շ Ա Ց ՈՒ Մ
Բերված թվային մեծությունները միջինացված են և իրական ցուցանիշներից կարող են տարբերվել:
– Քոլդ-Բրյու մեթոդով պատրաստվող սուրճն ունի ավելի “նուրբ և փափուկ” համ:
– Քոլդ-Բրյու մեթոդով պատրաստվող սուրճը մոտ 60-70 տոկոսով ավելի քիչ թթվային է:
– Քոլդ-Բրյու մեթոդով պատրաստվող սուրճում կոֆեինի պարունակությունը կրկնակի ավել է:
– Ռոբուստա տեսակի սուրճով պատրաստվող Քոլդ-Բրյուն ստանում է ընդգծված դառը համ:
– Հայտնի գրող Բալզակը սիրում էր սառը թրմված սուրճ` պատճառաբանելով, որ այն ավելի մեղմ է կոկորդի համար:
“Cold-Brew”-ն անգլերենից թարգմանաբար նշանակում է “Սառը Թրմում”: Ի տարբերություն “Սառը սուրճի” կամ այլ կերպ ասած “Սառեցված Սուրճի”, որը ստացվում է սովորական տաք սուրճի մեջ սառույց ավելացնելով, Քոլդ-Բրյուն պատրաստվում է հենց սառը ջրով: Այս եղանակով պատրաստվող սուրճի գլխավոր առանձնահատկությունն այն է, որ արդյունքում ստացված սուրճը իր մեջ ավելի քիչ թթվայնություն է պարունակում, քան ցանկացած այլ մեթոդով պատրաստվող սուրճ, քանի որ սառը ջրում սուրճի հատիկի մեջ առկա թթուներ պարունակող նյութերը լավ չեն լուծվում: Արդյունքում ստացված սուրճը ստանում է անհամեմատ ավելի “փափուկ” համ: Մեթոդի մյուս առանձնահատկությունն այն է, որ այս եղանակով պատրաստված սուրճի մեջ կա մոտ կրկնակի ավել կոֆեին քան “Տաք Թրմման” մեթոդներով պատրաստվող սուրճի մեջ, ինչի պատճառով էլ հաճախ այս եղանակով պատրաստվող սուրճը անվանում են նաև “Խտացված Սուրճ” կամ “Սուրճի Կոնցենտրատ”: Պատճառն այն է, որ Քոլդ-Բրյու մեթոդով սուրճի թրմումը տևում է ավելի քան 12 ժամ, ինչը թույլ է տալիս սուրճից անջատել առավելագույն քանակությամբ կոֆեին:
Գոյություն ունեն Քոլդ-Բրյու պատրաստելու տարբեր հարմարանքներ, սակայն դրանք բոլորն էլ ունեն միևնույն հիմնական մասերն ու կառուցվածքը: Այն իր կառուցվածքով հիշեցնում է թեյ թրմելու թեյնիկ, այսինքն` մի անոթ, որի մեջ իջեցվում է սուրճով բեռնված ցանցը:
Քոլդ-Բրյու մեթոդով սուրճ պատրաստելը բավականաչափ հեշտ է, իսկ ստացված սուրճը կարելի է պահել սառնարանում մոտ 1 շաբաթ, որից նրա համային հատկանիշները չեն փոխվում:
Թերևս դժվար է ասել, թե ինչպես է առաջացել սուրճի պատրաստման այս մեթոդը, սակայն ըստ որոշ աղբյուրների այս մեթոդը հայտնագործվել է Հոլանդիայում գյուղատնտեսների շրջանում դեռևս 17-րդ դարում:
1964 թվականին Տոդդ Սիմփսոն անունով մի ամերիկացի նախագծեց և կառուցեց սառը թրմման հարմարանք` անվանելով այն “Տոդդի” (Toddy): Այն շատ արագ հայտնի դարձավ ու սիրվեց հասարակության կողմից և արտադրվում է մինչ օրս: 21-րդ դարում այս մեթոդը հատկապես մեծ տեմպերով տարածվում է ողջ աշխարհում:
1. Ողողել Քոլդ-Բրյու սրճեփը տաք ջրով
2. Ցանցի մեջ լցնել աղացված սուրճ և իջեցնել այն հիմնական անոթի մեջ
3. Ավելացնել համապատասխան քանակությամբ ջուր հիմնական անոթում և փակել կափարիչով
4. Թրմել սուրճը մոտ 12-14 ժամ (սուրճին առավելագույն թնդություն հաղորդելու համար ընթացքում թափահարել սուրճով բեռնված ցանցը մի քանի անգամ)
5. Հիմնական անոթից հանել սուրճի խտանյութը և թափել
6. Առաջացած թուրմը անհրաժեշտության դեպքում զտել ցանցավոր կտորի օգնությամբ
7. Լցնել սուրճը գավաթների մեջ և մատուցել
| Սուրճի տեսակը | 100% Արաբիկա |
| Բովվածության աստիճանը | Թույլ (Սկանդինավյան) Միջին (Վիեննական) Ուժեղ (Ֆրանսիական) |
| Աղացվածության չափը | Կոպիտ աղացված կամ փշրված (Ֆրենչ-Պրեսս) |
| Ջրի ջերմաստիճանը | Սենյակային ջերմաստիճանի շշալցված ջուր (+15÷20°C) |
| Սուրճ / Ջուր հարաբերակցությունը | 10գ սուրճ / 100մլ ջուր` ըմպելի սուրճ (2 ճաշի գդալ յուրաքանչյուր բաժակի համար) 15գ սուրճ / 100մլ ջուր` թունդ ըմպելի սուրճ (3 ճաշի գդալ յուրաքանչյուր բաժակի համար) 20-25գ սուրճ / 100մլ ջուր` կոնցենտրատ (4 ճաշի գդալ յուրաքանչյուր բաժակի համար) |
| Պատրաստման տևողությունը | 12-14 ժամ |
| Չափաբաժինը | 240 մլ |
| Կոֆեինի պարունակությունը 1 չափաբաժնում | 100 մգ |
| Սննդային արժեքը | 8-10 Կալորիա |
| Օրական չափաբաժինը | ոչ ավել քան 4 գավաթ |
| Մատուցման եղանակը | – ինչպես որ կա – կաթով կամ սառույցով – պաղպաղակով, ամառային դեսերտներով |
Զ Գ ՈՒ Շ Ա Ց ՈՒ Մ
Բերված թվային մեծությունները միջինացված են և իրական ցուցանիշներից կարող են տարբերվել:
– Քոլդ-Բրյու մեթոդով պատրաստվող սուրճն ունի ավելի “նուրբ և փափուկ” համ:
– Քոլդ-Բրյու մեթոդով պատրաստվող սուրճը մոտ 60-70 տոկոսով ավելի քիչ թթվային է:
– Քոլդ-Բրյու մեթոդով պատրաստվող սուրճում կոֆեինի պարունակությունը կրկնակի ավել է:
– Ռոբուստա տեսակի սուրճով պատրաստվող Քոլդ-Բրյուն ստանում է ընդգծված դառը համ:
– Հայտնի գրող Բալզակը սիրում էր սառը թրմված սուրճ` պատճառաբանելով, որ այն ավելի մեղմ է կոկորդի համար: