DUNKIN DONUTS ԱՊՐԱՆՔԱՆԻՇԻ ՄԱՍԻՆ
Dunkin’ Ապրանքանիշը հիմնադրվել է Բիլ Ռոզենբերգի կողմից Քուինսիում, Մասաչուսեթս, 1950 թվականին՝ «Open Kettle» կոչվող փոքրիկ Ռեստորանից վերածվելով գլոբալ Սուրճ և Բլիթներ (Դոնաթ) մատուցող Ընկերության՝ ավելի քան 13՛000 Խանութ-Սրճարաններով Աշխարհի 38 Երկրներում։ Ռեստորանի Հաճախորդները հաճույքով ետ եին վերադառնում Բլիթի և Սուրճի համեղ համադրությունը կրկին ու կրկին փորձելու համար։
Նկատելով, որ հաճախորդները սիրում են իրենց բլիթները թաթախել (կամ այլ կերպ ասած՝ սուզել) Սուրճի մեջ դրանք փափկացնելու համար, Ռոզենբերգը «Open Kettle» ռեստորանը վերանվանեց «Dunkin’ Donuts», ինչը թարգմանաբար կնշանակի “սուզվող բլիթներ” և սկսած 1955 թվականից կիրառեց այն ժամանակվա համար բոլորովին նոր Բիզնես Մոդել՝ Ֆրանչայզինգ։ ԵՎ արդեն 1963 թվականին բացվեց 100-րդ Խանութ-Սրճարանը։
2018 թվականից սկսած Ընկերությունը գնաց վերաբրենդավորման՝ կրճատելով Բրենդի անվան երկրորդ մասը և դառնալով պարզապես Dunkin’։ Սա պայմանավորված էր այն հանգամանքով, որ նախ հասարակությունը արդեն իսկ խոսակցականում այն անվանում էր այդպես, և երկրորդ, Ընկերությունը ցանկանում էր իր շեշտը բլիթներից շեղել դեպի ըմպելիքներ։
Ընկերությունը հայտնի է իր խորհրդանշական մարքեթինգային արշավներով, ներառյալ «America runs on Dunkin’» լեգենդար կարգախոսով:
Ընկերության Ապրանքատեսականին ներառում է դդումի, խնձորի, ելակի, շաքարի, դարչինի, վանիլի, շոկալադի և մի շարք այլ համերով Դոնաթներ, որոնք չափազանց սիրված են ամբողջ Աշխարհում։
Ընկերության Խանութ-Սրճարանները օրական սպասարկում են 4․5 միլիոնից ավել Հաճախորդների ամբողջ Աշխարհում։
.
