CAFÉ BUSTELO ԱՊՐԱՆՔԱՆԻՇԻ ՄԱՍԻՆ
Café Bustelo-ն Ամերիկյան Սրճային Բրենդ է, որը հայտնի է իր հագեցած և թունդ համով մուգ բովված Էսպրեսսո ոճի Սուրճով, և հատկապես սիրված է ԱՄՆ-ի իսպանախոս համայնքներում, որտեղ և հաճախ պատրաստում են ավանդական լատինաամերիկյան Սրճային Ըմպելիքներ:
Café Bustelo-ն տիպիկ լատինական Բրենդ է, որն իր մեջ կրում է իսպանախոս մշակույթի փիլիսոփայությունը՝ առաջարկելով Սրճային մի շարք խառնուրդներ՝ ոգեշնչված Լատինական Ամերիկայի երկրներից:
Café Bustelo-ն Հիմնադրվել է Արևելյան Հարլեմում, Նյու Յորք 1928 թվականին Գրեգորիո Բուստելոյի կողմից՝ Սուրճի և լատինաամերիկյան մշակույթի կիրք ունեցող մի իսպանացու, ով շատ ճանապարհորդել է Լատինական Ամերիկայում՝ նախքան Նյու Յորքում հաստատվելը:
Սկզբում Գրեգորիոն վաճառում էր իր իսկ ձեռքով աղացած սուրճն իր տանից։ Սակայն 1928 թվականի դրությամբ նա արդեն ուներ բավարար խնայողություններ իր վաղեմի տեսլականը իրագործելու և սեփական բովարանը Նյու Յորքի 5-րդ պողոտայում հիմնադրելու համար։
ԵՎ մինչ Գրեգորիոյի հաճախորդները սիրահարվում էին Café Bustelo Սուրճի թնդությանը, Գրեգորիոն թունդ սիրահարվում էր Անջելինա Բելվեդեր անունով մի գեղեցիկ աղջկա, ով կիսում էր Սուրճի հանդեպ նրա ունեցած մեծ կիրքը: Իտալացի ծնողներից Վենեսուելայում ծնված Անջելինան ներգաղթել էր Նյու Յորք 1927 թվականին։ Զույգն ամուսնացավ 1933 թվականին։ Café Bustelo Ապրանքանիշի Սուրճի փաթեթների վրա պատկերված է Անջելինան։
.
